قائمة لوازم جهاز العروس الجزائرية (الجزء 3)

wait... مشاهدةآخر تحديث : الثلاثاء 13 ديسمبر 2016 - 4:21 مساءً
2016 12 13
2016 12 13
قائمة لوازم جهاز العروس الجزائرية (الجزء 3)

ملابس الخرجة:

2 عبايات، مع احذية كعب تليق بالخرجات ، 2 طايوات لشهر العسل، مع احذيتهم تكون مريحة للمشي، معطف فخم، 2 حجابات شيك ويليق بالعرايس، مع احذية شيك وعمليين، خمارات الوان لطيفة ( شتوية و صيفية وشالات و كاشني للبرد القارس)، قفازات اذا كنتي بش تجوزي شهر العسل في بلاد باردة)، صاك احجام و الوان.

ملابس الزيارات:

ديري حاجة سامبل وشيك وفخمة وتعطي انطباع راكي محترمة، للشتاء ديري ، قنادر قطيفة، راهم معبيين الحالة، والمشريين خير واضمن، انتي وذوقك ودراهمك اكرر ماتخيطيش القطيفة،، هذا بخصوص الزيارات الخفيفة يعني داركم ولا دار راجلك ولا خواتاته ، ولا يجيك ضيف فجأة،، كثري منهم لانه الموضة تاعهم ماتروحش ديري 6 ولا 7 بش تتهناي منهم فترة سنتين او اكثر ، ونوعي في الالوان،

اما بخصوص الاعراس ،، ديري قفاطن مغربية ، خليجية ،، وطايورات ميني وتاع سراول ( بالاضافة الى قنادر التصديرة) وفي الصيف ، لازم تخيطي قنادر لاطوال ، وكثري منهم ، ديري على الأقل 10 لانه في الصيف الواحد يعرق سيرتو في عرس لازم تبدلي ملابس التصديرة للاعراس. ولي روب دو سواري ساتان ديري 2. بلا ماتنسي الاحذية في الشتاء ، والصابوات والصنادل في الصيف ،، والحقائب الصغيرة اللي تتحمل في الايد ديري خمار يوالم كل لبسة ، ماتعرفي بلاك يكون مكان الزيارة مختلط ، هكا بش تكوني مستور وشيك في نفس الوقت ، ومش لازم يكون خمار من نوعية غالية… ونصيحة اذا كنتي بش تتزوجي في دار العايلة ،، اشري بوليرو ولا جيلي من كل الالوان تلبسيهم في الصيف خير من الخمارات الكبيرة تاع الصلاة..

ملابس الصيف: قنادر لاطوال خفيفة تاع دار ، اشري وخيطي ، وديري الميدي ، يتحفوا العروسة وخفاف ،، العدد على حسب قدرتك

بيجامات ،، نوعي ، ديري اللي تيركوها طويل واللي تريكوها قصير، وديري تاع البونطاكور وتاع السروال ،،، ونوعي الالوان ديرها خااافتة بش تكوني كالفراشة

روب قطني قصار وطوال ، نوعي ، وديري اللي فيهم رسومات ، يبينوك صغيرة

بوديات ربيعية وصيفية مع تنانير قصيرة للبيت

فولارات لشغل البيت

طابليات الشغل

قائمة اضافية اكياس كبيرة حافظة للملابس ،، تستحقيهم ياااااااااسر كي تديري قش التصديرة في الخزانة بش مايتغبروش

معلاق الملابس ايضا ديري منهم ياااسر

سلة كبيرة للملابس المتسخة ،،

سلة مهملات

انتظروني في الجزء الرابع والاخير لي رح نحكي فيه على ملابس الشتاء وكادوات العريس واهله وكيفية تنظيم جهازك قبل مايخرج من داركم….

رابط مختصر